నా జీవన జ్యోతివి నీవు
నీ నవ్వులే నవపరిమళం నాకు
నా ప్రణయపు ప్రమోదం నీవు
నీ సవ్వడే సంగీతం నాకు
పగలసెగలతో రగిలే నన్ను నీ ప్రేమతో ప్రేరేపించావు
సోమరితనముతో తిరిగే నన్ను నీ సేవతో సంస్కరించావు
ఒంటరితనముతో బ్రతికే నాకు నీ ఆలనతో ఆనందమిచ్చావు
నిస్సత్తువతో నలిగే నాకు నీ మమతతో మార్గంచూపావు
నా జీవన జ్యోతివి నీవు
నీ నవ్వులే నవపరిమళం నాకు
ఆప్యాయతతో కలిపి ఆహారాన్ని అమ్రుతంగా అందిస్తావు
భవోద్వెగంతో నింపి భొదనలను భవ్యరూపంగా భొధిస్తావు
ప్రణయరాగంతో పిలిచి ప్రేమజ్యోతిని ప్రభలంగా ప్రజ్వలింపచేస్తావు
స్వర్గతుల్యంతొ సేవించి స్నెహభావాన్ని సలలితంగా సమర్పిస్తావు
నా జీవన జ్యోతివి నీవు
నీ నవ్వులే నవపరిమళం నాకు
మన అనురాగమే ఆలయమై ఆ ఆలయాన దేవత నీవు కావాలి
మన పరిచయమే పరమపదమై పదిలమైన మమత నీవు కావాలి
మన సహజీవనమే సంగీతమై సుస్వరాల సమత నీవు కావాలి
మన పరిణయమే పారిజాతమై సువాసనల జనిత నీవు కావాలి
నా జీవన జ్యోతివి నీవు
నీ నవ్వులే నవపరిమళం నాకు
నా ప్రణయపు ప్రమోదం నీవు
నీ సవ్వడే సంగీతం నాకు
------ప్రభాకర రావు కోటపాటి
